گوجرانوالہ(نمائندہ جنگ)مختلف علاقوں میں گیس استعمال کرنے والوں کی چیکنگ کرنے والی متعدد جعلی ٹیموں نے بھی سادہ لوح سوئی گیس صارفین کو لوٹنا شروع کر دیا ہے بتایاجاتا ہے کہ مختلف نوسر باز جو سوئی گیس آفس میں مختلف اوقات کے دوران ڈیلی ویجز پر کام کرتے رہے بعدازاں سوئی گیس سے نکالے جانے کے باوجود بھی انہوں نے اپنی ذاتی ٹیمیں بنا رکھی ہیں جو مختلف علاقوں میں گھروں ، دوکانوں ، چھوٹے کارخانوں وغیرہ میں جاکر جنریٹر چلانے سمیت مختلف الزمات ان پر لگا کر ان کو بلیک کرتے ہیں اور بھاری رقوم بٹور لیتے ہیں جبکہ بلیک میل نہ ہونے والوں کیخلاف سوئی گیس کے مخصوص متعلقہ ملازمین کو بتا کر ان کے کنکشن کٹوا دیتے ہیں ادھر سوئی گیس ذرائع کے مطابق جعلی ٹیموں کی دفتر کو اطلاع کی جائے تو فوری ایسے افراد کیخلاف مقدمہ درج کروا کر انہیں گرفتار کروا دیا جائیگا۔
فرمان الہی
نماز کے اوقات
