کرینہ کے چھوٹے بیٹے کی یوگا کرتے ہوئے تصویر وائرل

October 28, 2021

بالی ووڈ کی معروف اداکارہ کرینہ کپور خان نے سوشل میڈیا پر اپنے آٹھ ماہ کے بیٹے جہانگیر علی خان کی یوگا کرتے ہوئے ایک تصویر شیئر کردی ہے۔

کرینہ کپور خان نے فوٹو اینڈ ویڈیو شیئرنگ ایپ انسٹا گرام پر اپنے چھوٹے بیٹے جہانگیر علی خان کی یوگا کرتے ہوئے ایک تصویر اپنے مداحوں کے ساتھ شیئر کردی ہے۔

انہوں نے یہ تصویر شیئر کرتے ہوئے لکھا کہ ’آپ دیکھ سکتے ہیں یوگا اس خاندان کی رگوں میں ہے۔‘


کرینہ کپور نے اس انسٹا پوسٹ میں یوگا کرتے ہوئے اپنے آٹھ ماہ کے بیٹے جہانگیر علی خان سے محبت کا اظہار بھی کیا۔

واضح رہے کہ کرینہ کپور اوراداکار سیف علی خان کے ہاں رواں سال فروری میں بیٹے جہانگیر علی خان کی پیدائش ہوئی تھی اور اس سے پہلے اس جوڑے کا ایک اور بیٹا تیمورعلی خان بھی ہے جوکہ ابھی 4 سال کا ہے۔