خلاف ضابطہ رہائشی یونٹس ریگولرائز کرنے کیلئے آرڈیننس لانے کا فیصلہ، ذرائع

November 29, 2021


سندھ میں خلاف ضابطہ تعمیرات کے معاملے پر حکومت کی جانب سے خلاف ضابطہ رہائشی یونٹس ریگولرائز کرنے کے لئے آرڈیننس لانے کا فیصلہ کیا گیا ہے۔

ذرائع کا کہنا ہے کہ سندھ حکومت کے قانونی ماہرین نے آرڈیننس کا مسودہ تیار کرلیا، آرڈیننس سے خلاف ضابطہ رہائشی یونٹس کو ایک مرتبہ ہی ریگولرائز کیاجا سکے گا۔

ذرائع کا کہنا ہے کہ آر ڈیننس کے ذریعے ایک مقررہ مدت تک بنائی گئی غیر تجارتی تعمیرات کو قانونی تحفظ دیاجائے گا، آرڈیننس کے ذریعے سابق جج کی سربراہی میں کمیشن بنایا جائے گا۔

ذرائع کا کہنا ہے کہ سندھ کابینہ کی منظوری کے بعد مجوزہ آرڈیننس گورنر کو بھیجا جائے گا، گورنر سندھ کی منظوری کی صورت میں آرڈیننس نافذالعمل ہوگا۔

ذرائع کا کہنا ہے کہ ایسی رہائشی عمارات جن کے خالی کروانے سے انسانی المیہ جنم لے سکتا ہو کو بعض شرائط و جرمانے کے ساتھ ریگولرائز کیا جاسکے گا۔