کینیڈین گلوکار جسٹن بیبر نے سعودی عرب کے معروف صحافی جمال خاشقجی کی منگیتر خدیجے چنگیز کےمطالبے کو نظر انداز کردیا۔
بین الاقوامی میڈیا کی رپورٹ کے مطابق،جسٹن بیبر نے سعودی عرب میں کانسرٹ کو منسوخ کرنے کے مطالبے کے باوجود بھی اتوار کے روزجدہ کورنے سرکٹ میں پرفارمانس دی۔
گلوکار نے جدہ کنسرٹ میں اپنے سب سے مقبول ترین گانوں میں سے چند گانے گائے۔
جسٹن بیبر کی اہلیہ، معروف ماڈل ہیلے بیبر نے بھی ان کے ساتھ جدہ کنسرٹ میں شرکت کی۔
ہیلے بیبر نےاپنی انسٹا اسٹوری پر اس کنسرٹ کی ویڈیو کلپ بھی شیئر کی۔
اس ویڈیو کلپ میں دیکھا جاسکتا ہے کہ گلوکار نے اس شو کے لیے ایتھلیٹک پینٹ کےساتھ سرخ جرسی پہنی ہوئی ہے۔
خیال رہے کہ سعودی عرب کے معروف صحافی جمال خاشقجی کی منگیتر خدیجے چنگیز نے کینیڈین گلوکار جسٹن بیبر سے سعودی عرب میں اپنا میوزک کنسرٹ منسوخ کرنے کا مطالبہ کیا تھا۔
میڈیا رپورٹس کے مطابق خدیجے چنگیز کی جانب سے جسٹن بیبر کے لیے ایک کھلا خط لکھا گیاتھاجس میں انہوں نے جسٹن بیبر سے مطالبہ کیا تھا کہ ’میرے محبوب منگیتر، صحافی جمال خاشقجی کے قاتلوں کیلئے کنسرٹ نہ کریں۔‘