فرمان الہی
نماز کے اوقات
بین الاقوامی اولمپک کمیٹی (آئی او سی) نے روسی اولمپک کمیٹی پر اکتوبر 2023 سے عائد معطلی عارضی طور پر ختم کردی۔
آئی او سی کا کہنا ہے کہ روسی اولمپک کمیٹی نے یوکرین کے زیرِاختیار علاقوں کی تنظیموں کی آزاد حیثیت کو تسلیم کیا ہے۔
لاس اینجلس 2028 اولمپکس کے کوالیفائنگ مرحلے کے آغاز پر روسی کھلاڑیوں کی واپسی کی راہ ہموار ہوگئی تاہم سخت اینٹی ڈوپنگ شرائط برقرار رہیں گی۔
روسی کھلاڑیوں کی واپسی سے قبل متعدد ڈوپ ٹیسٹ اور انٹرنیشنل ٹیسٹنگ ایجنسی کے نگرانی پروگرام کا حصہ بننا لازمی ہوگا۔
آئی او سی کے مطابق روس کے یوکرین پر حملے کے خلاف مؤقف تبدیل نہیں ہوا، یوکرین سے یکجہتی برقرار رہے گی۔
اولمپک کمیٹی کا کہنا ہے کہ روس میں بین الاقوامی مقابلوں کے انعقاد، روسی پرچم اور قومی ترانے سے متعلق فیصلہ متعلقہ عالمی فیڈریشنز کریں گی۔
آئی او سی روسی کے مطابق اولمپک کمیٹی کی سرگرمیوں کی مسلسل نگرانی کرے گی، خلاف ورزی کی صورت میں دوبارہ کارروائی ہوسکتی ہے۔
