کیلیفورنیا میں شادی کی تقریب میں کارروائی کے لیے پہنچنے والے پولیس اہلکاروں نے پنجابی گانوں پر ڈانس شروع کردیا جس کی ویڈیو وائرل ہورہی ہے۔
بین الاقوامی میڈیا رپورٹس کے مطابق کیلیفورنیا میں رہنے والے ایک پنجابی خاندان نے گزشتہ ماہ شادی سے پہلے ایک تقریب کا اہتمام کیا،تقریب کی تقریبات جو شان و شوکت سے جاری تھیں کہ اسی دوران شور شرابا کرنے پر پڑوسیوں نے پولیس میں شکایت کردی۔
جیسے ہی پولیس کو اطلاع ملی تو دو اہلکار تقریب والے گھر پہنچ گئے، یقیناً پولیس والوں کو دیکھ کر گھر والے قدرے گھبرا گئے لیکن انہوں نے آگے جو کیا اس نے سب کو حیران کر دیا۔
شور کی شکایت کے بعد پارٹی میں پہنچنے والے دو پولیس اہلکار ڈانس فلور میں شامل ہوئے اور کچھ پنجابی گانوں پر ڈانس شروع کردیا۔
اس طرح پولیس اہلکار بھی شادی کی تقریب میں شامل ہوگئے اور پنجابی خاندان کے رنگ میں ڈھنگ گئے۔
سوشل میڈیا پر یہ ویڈیو خوب وائرل ہورہی ہے اور صارفین پولیس اہلکاروں کے اس انداز کو خوب پسند کررہے ہیں۔