بائیک پر سفر کرتے جوڑے نے گرمی کا دلچسپ حل نکال لیا

May 17, 2022

سوشل میڈیا پر اس وقت ایک دلچسپ ویڈیو وائرل ہے جو ناصرف انٹرٹینمنٹ سے بھرپور ہے بلکہ اس ویڈیو سے گرمی سے بچاؤ کا طریقہ بھی سیکھا جا سکتا ہے۔

سماجی رابطے کے متعدد پلیٹ فارمز پر وائرل اس ویڈیو میں دیکھا جا سکتا ہے کہ ایک جوڑا سورج سے تپتی گرم دوپہر میں موٹر سائیکل پر سفر کر رہا ہے، اس دوران پیچھے بیٹھی خاتون نے عبایا پہنا ہوا ہے اور نقاب بھی کیا ہوا ہے۔

خاتون کے ہاتھ میں ایک بالٹی اور ایک مگا ہے جس سے وہ پانی بھر بھر کر کبھی بائیک چلاتے لڑکے تو کبھی اپنے اوپر ڈال رہی ہے۔

سوشل میڈیا پر جنگل کی آگ کی طرح پھیلی اس ویڈیو کو بے حد پسند کیا جا رہا ہے۔

اس ویڈیو کو سیکڑوں بار دیکھا جا چکا ہے۔

دوسری جانب انٹرنیٹ صافین کا اس ویڈیو پر کمنٹ کرتے ہوئے کہنا ہے کہ بائیک کے پیچھے کوئی خاتون نہیں بلکہ عبائے میں لڑکا ہی بیٹھا ہوا ہے۔