ماڑی پیٹرولیم کمپنی نے خیبر پختونخوا کے ضلع شمالی وزیرستان سے تیل اور گیس کے نئے ذخائر دریافت کر لیے۔ ابتدائی تخمینے کے مطابق ان ذخائر سے یومیہ 2 کروڑ 50 لاکھ مکعب فٹ گیس اور 300 بیرل خام تیل حاصل ہوسکے۔
ماڑی پیٹرولیم کمپنی کے اعلامیے کے مطابق شمالی وزیرستان میں واقع بنوں ویسٹ بلاک میں تیل اور گیس کی دریافت ہوئی ہے۔
اعلامیے کے مطابق یومیہ گیس پیداوار کو 5 کروڑ مکعب فٹ تک بڑھانے کے لیے بھی ٹیسٹ جاری ہیں۔
اس موقع پر ماڑی پیٹرولیم کمپنی کے منیجنگ ڈائریکٹر (ایم ڈی) فہیم حیدر نے کہا ہے کہ کمپنی بنوں بلاک میں تیل و گیس کی تلاش کے لیے تیزی سے کام کر ہی ہے۔