لاہور قلندرز کی ٹیم آئندہ ماہ نمیبیا میں سہ فریقی ٹورنامنٹ کھیلے گی۔
ذرائع کے مطابق، ایونٹ میں لاہور قلندرز کا ڈیولپمنٹ اسکواڈ شرکت کرے گا جبکہ بھارتی بنگال کی ٹیم نمیبیا میں ہونیوالے ٹورنامنٹ سےدستبردار ہوگئی ہے۔
ذرائع کا کہنا ہے کہ جنوبی افریقا کی لائنز اور نمیبیا کی ایگلز بھی ٹورنامنٹ میں شریک ہوں گی۔
سہ فریقی ٹورنامنٹ یکم سے 5 ستمبر تک کھیلا جائے گا۔
ذرائع نے یہ بھی بتایا ہے کہ ٹی 20 ٹورنامنٹ کے بعد قلندرز نمیبیا میں 2 ون ڈے بھی کھیلیں گے۔
لاہور قلندرز اور ایگلز کے درمیان 50 اوورز کے میچز 7 اور 9 ستمبر کو ہوں گے۔