کرسٹیانو رونالڈو نے سعودی عرب کے فٹبال کلب النصر میں شامل ہونے کے حوالے سے تاحال کوئی فیصلہ نہیں کیا ہے۔
ہسپانوی میڈیا نے خبر دی تھی کہ رونالڈو 20 کروڑ یورو فی سیزن کے معاوضے پر سعودی عرب کے کلب النصر کو جوائن کرچکے ہیں۔
ایک اسپورٹس چینل کو ذرائع نے بتایا ہے کہ رونالڈو اور کلب کے مابین ڈیل پر اتفاق نہیں ہوا ہے۔
رونالڈو اس وقت فیفا ورلڈکپ میں پرتگال کے کھیل پر توجہ دے رہے ہیں جس کا مقابلہ سوئٹزرلینڈ سے ہونا ہے۔
حال ہی میں مانچسٹر یونائیٹڈ کے کلب منیجر پر ایک انٹرویو میں تنقید کے بعد رونالڈو کا معاہدہ منسوخ کر دیا گیا تھا۔