مغربی کنارے میں اسرائیلی فوج کی فائرنگ سے 16 سال کا فلسطینی جاں بحق ہوگیا۔
فلسطینی حکام کے مطابق اسرائیلی فوج نے مغربی کنارے کے شہر نابلس میں شہری پر فائرنگ کی۔
رپورٹس کے مطابق فلسطینی نوجوان کے سر میں گولی ماری گئی۔
غیرملکی میڈیا کے مطابق رواں ماہ اسرائیلی فوج کی فائرنگ سے جاں بحق فلسطینیوں کی تعداد 4 ہوگئی ہے۔
اس سے قبل اسرائیلی فورسز نے منگل کو 15 سالہ لڑکے کو فائرنگ کر کے قتل کردیا تھا۔
غیرملکی میڈیا کے مطابق گزشتہ سال اسرائیلی فورسز کی فائرنگ سے 170 سے زائد فلسطینی جاں بحق ہوئے تھے۔