تھرپارکر، وزیراعظم آج 660 میگاواٹ پاور پروجیکٹ کا افتتاح کریں گے

March 22, 2023

فائل فوٹو

وزیراعظم شہباز شریف آج تھرپارکر کے مختصر دورے پر اسلام کوٹ پہنچ رہے ہیں جہاں وہ سی پیک منصوبے کے تحت 660 میگاواٹ بجلی پیدا کرنے والے پاور پروجیکٹ کا افتتاح کریں گے۔

وزیراعظم ہاؤس کے جاری کردہ شیڈول کے مطابق وزیراعظم آج صبح ساڑھے 10 بجے اسلام کوٹ ایئرپورٹ پہنچیں گے جہاں وزیر خارجہ بلاول بھٹو زرداری اور وزیراعلیٰ سندھ مراد علی شاہ ان کا استقبال کریں گے۔

وزیراعظم 330 میگاواٹ پاور پلانٹ کا باقاعدہ افتتاح کرنے کے علاوہ کول مائینز کا بھی دورہ کرینگے۔

وہ تھرکول پاور کے 660 میگاواٹ کے دو بجلی گھروں کا بھی افتتاح کریں گے۔

پاور پروجیکٹ کے افتتاح کے بعد تھرکول سے 2640 میگاواٹ بجلی سسٹم سے منسلک ہوجائے گی۔