سینئر سیاستدان جہانگیر ترین سے خیبرپختونخوا کے مختلف سیاسی رہنماؤں نے ملاقات کی ہے۔
ذرائع کے مطابق اسلام آباد میں جہانگیر ترین سے سابق رکن قومی اسمبلی جی جی جمال، سابق رکن صوبائی اسمبلی زرگل خان نے ملاقات کی ہے۔
ذرائع کے مطابق گزشتہ روز اسلام آباد پہنچنے والے جہانگیر ترین نے اب تک 20 کے قریب سیاسی رہنماؤں سے ملاقاتیں کی ہیں۔
دوسری طرف جہانگیر ترین سے پنجاب، سندھ اور بلوچستان سے مختلف شخصیات نے رابطہ کیا۔
ذرائع کے مطابق ملاقاتوں میں مختلف سیاسی امور پر تبادلہ خیال کیا گیا، جہانگیر ترین نے اپنی پارٹی کے قیام کے حوالے سے مشاورتی عمل تیز کردیا ہے۔