وزیر داخلہ محسن نقوی کی ہدایت پر عیدالاضحیٰ کے پہلے دن بھی اسلام آباد میں ترقیاتی منصوبوں پر کام جاری رہا۔
کیپٹل ڈیولپمنٹ اتھارٹی (سی ڈی اے) انتظامیہ نے کئی برس سے رکے منصوبوں پر ترقیاتی کام کا آغاز کردیا۔
چیئرمین سی ڈی اے اور چیف کمشنر اسلام آباد نے عید کے دن بھی تمام ترقیاتی کاموں کی نگرانی کی۔
وزیر داخلہ محسن نقوی نے عید تعطیلات کے باوجود فرائض میں مصروف عملے کی کارکردگی کو سراہا۔
محسن نقوی کا کہنا تھا کہ سی ڈی اے انتظامیہ اور ورکرز شاباش کے مستحق ہیں، اسلام آباد کے کئی سکیٹرز میں رکے ہوئے ترقیاتی کام کا آغاز ترجیح ہے۔