Advertisement

ہاکی ورلڈ کپ 2023 بھارت میں کھیلا جائے گا

November 08, 2019
 

انٹرنیشنل ہاکی فیڈریشن (ایف آئی ایچ)کے ایگزیکٹو بورڈ نے اعلان کیا ہے کہ مینز ہاکی ورلڈکپ 2023ء بھارت میں کھیلا جائے گاجبکہ وومنز ورلڈ کپ 2022ء کی میزبانی اسپین اور ہالینڈ مشترکہ طور پر کریں گے۔

بھارت مسلسل دوسری مرتبہ اور 2010ء سے تیسری مرتبہ ورلڈ کپ کی میزبانی کرے گا۔

مینز ہاکی ورلڈ کپ 13 سے 29 جنوری تک کھیلا جائے گا، وومنز ورلڈ کپ یکم سے 17 جولائی تک ہوگا۔میچز کے مقامات کا تعین میزبان ملک کریں گے۔

میزبان ملک خود بخود ورلڈ کپ کے لیے کوالیفائی کرلے گا۔

ایف آئی ایچ کے چیف ایگزیکٹو تھیری ویل نے ایک بیان میں کہا ہے کہ ان معتبر ٹورنامنٹس کے لیے شاندار بولیاں موصول ہوئیں جن میں سے کسی ایک کا انتخاب ایک مشکل کام تھا،جیسا کہ دنیا بھر میں کھیل کا فروغ ایف آئی ایچ کا مشن ہے،جس کے لیے یقیناً سرمایہ درکار ہوتا ہےلہٰذا ہر ایک بولی میں ممکنہ آمدنی نے فیصلہ کرنے میں اہم کردار ادا کیا۔

ایگزیکٹو بورڈ نےدونوں ایونٹس کے لیے کوالیفکیشن کے عمل کی بھی منظوری دی۔

میزبان ملک خود بخود ورلڈ کپ کے لیے کوالیفائی کرلے گا، کانٹی نینٹل چمپئن شپس کی فاتح (پانچ ٹیمیں) براہ راست ایونٹ کے لیے کوالیفائی کریں گی۔

باقی 10 ٹیمیں ہوم۔اینڈ۔اوے پلے آف میچز کے ذریعے کوالیفائی کریں گے، ان کوالیفائرز کے لیے 20 ٹیموں کا تعین ٹوکیو اولمپک گیمز 2020ء کے اختتام پر ایف آئی ایچ ورلڈ رینکنگ اور کانٹی نینٹل چمپئن شپس میں ٹیموں کی پوزیشن پر ہوگا۔


مکمل خبر پڑھیں