وزیر بلدیات سندھ سید ناصر حسین شاہ نے کہا ہے کہ وزیر اعلیٰ مراد علی شاہ نے سندھ کی لاء اینڈ آرڈر کی صو تحال کا نوٹس لے لیا ہے، جلد بہتری ہوگی۔
سکھر میں میڈیا سے گفتگو میں ناصر حسین شاہ نے کہا کہ گورنر وفاق کا نمائندہ ہوتا ہے مگر عمران اسماعيل وفاق کا نمائندہ ہونے کے باوجود سندھ کے مسائل پر بات کرنے کو تیار نہیں۔
انہوں نے کہا کہ سندھ حکومت کی جانب سے پچاسی ارب روپے خرچ نہ کرنے کا بیان عمران اسماعيل کو زیب نہیں دیتا، انہیں سندھ کے مسائل وفاق کے سامنے رکھنے چاہئیں۔
ناصر حسین شاہ نے کہا کہ کورونا کی صورت حال ایک بار پھر بگڑ رہی ہے۔ ماہرین کی تجاویز پر لاک ڈاؤن کامشکل فیصلہ کیا ہے۔