شوبز انڈسٹری سے کنارہ کشی اختیار کرنے والی سابقہ گلوکارہ رابی پیرزداہ نے بھی حکومت کے پیٹرولیم مصنوعات کی قیمتوں میں اضافے پر ردعمل دیا ہے۔
انہیں سوشل میڈیا سائٹ فیس بک پر ایک صارف نے کمنٹ کرتے ہوئے کہا کہ رابعہ جی پیٹرول بہت مہنگا ہوگیا ہے، آپ کچھ بولتی کیوں نہیں۔
جواب میں رابی پیرزادہ نے کہا کہ ’عمران خان جنگ کرنے نہیں آئے، آپ ووٹ دے کر لائے ہیں، اب میں کیا بولوں؟‘
خیال رہے کہ وزارت خزانہ کی جانب سے پیٹرولیم مصنوعات کی قیمتوں میں اضافے کا اعلامیہ جاری کردیا گیا ہے۔
اعلامیے کے مطابق پیٹرول کی فی لیٹر قیمت 10 روپے 49 پیسے بڑھا دی گئی ہے جس کے بعد ایک لیٹر پیٹرول کی قیمت 137روپے79 پیسے ہوگئی ہے۔