ارکان ایم کیوایم رابطہ کمیٹی سے لندن ایئرپورٹ پرپوچھ گچھ

ایم کیوایم رابطہ کمیٹی کے ارکان کو لندن کےایئرپورٹ پرروک لیا گیا۔ ذرائع کے مطابق شبیر قائم خانی اور کیف الوریٰ کو ایئرپورٹ پرحراست میں لے کر پوچھ گچھ کی گئی،برطانوی بارڈر ایجنسی نے دونوں رہنماؤں کو 3گھنٹے تک روکے رکھا۔

ذرائع کا کہنا ہے کہ برطانوی حکام نے ایم کیو ایم رہنماؤں سے ان کےسفرسےمتعلق پوچھ گچھ کی،دونوں سے امریکا سے ملک بدری کے بارے میں پوچھ گچھ کی گئی۔

واضح رہے کہ شبیر قائم خانی اور کیف الوریٰ کو امریکا میں 16گھنٹے روکنے کے بعد واپس برطانیہ بھیج دیا گیا تھا، دونوں رہنما اس وقت ایم کیو ایم لندن سیکریٹریٹ میں ہیں۔