پاکستان پر سخت تنقید کے نشتر چلانے کیلئے ٹوئٹر کا سہارا لینےوالے بھارتی اداکار رشی کپور نے پاکستان کے ہاتھوں بھارت کی عبرتناک شکست تسلیم کرلی ۔
تاہم انہوں نے چھپے لفظوں میں پاکستانی اوپنر فخر زمان کو خراج تحسین پیش کیا اور اپنے ٹوئٹ میں بھارتی آل راؤنڈر ہاردک پانڈیا کے بارے میں لکھا کہ ’ہاردک ہی ہمارا ’فخر‘ ہے ۔
Hard ik is our Fakhar! Lol
— Rishi Kapoor (@chintskap) June 18, 2017
فائنل میچ سے قبل جہاں بھارتی میڈیا نے پاکستانی ٹیم کا مذاق اڑاتے ہوئے ان کی فائنل میں جیت کو ناممکن قرار دیا تھا وہیں رشی کپور نے بھی پاکستان کیلئے نازیبا الفاظ کا استعمال کیا تھا۔
رشی کپور نے اپنی ٹوئٹ میں پاکستان کرکٹ بورڈ کا مذاق اڑاتے ہوئے کہا کہ ’پی سی بی کرکٹ ٹیم بھیجنا پلیز، پہلے ہاکی یا کھو کھو ٹیم بھیجی تھیں کیونکہ 18؍ جون (فادرز ڈے) پر باپ کھیل رہا ہے تمہارے ساتھ‘۔
PCB. Cricket team bhejna please.Earlier Hockey ya Kho Kho team bhejin thin. Kyon ki 18th June(Fathers Day) Baap khel raha tumhare saath lol!
— Rishi Kapoor (@chintskap) June 15, 2017
اپنی ٹوئٹس کے سلسلے میں رشی کپور نے ایک ایسی ٹوئٹ بھی کی جسے پڑھ کر صارفین آگ بگولہ ہوگئے۔ اداکار نے لکھا ’اچھا چھوڑو یار، تم لوگ جیتو اور ہزاروں بار جیتو صرف دہشت گردی بند کردو یار، مجھے ہار منظور ہے، ہمیں امن اور پیار چاہیے‘۔
Achcha choddo yaar. Tum log Jeeton aur hazaaron Baar jeeton sirf Terrorism bandh kar do yaar. Mujhe haar manzoor hai. We want peace and love
— Rishi Kapoor (@chintskap) June 15, 2017
تاہم اب فائنل میں بھارتی ٹیم کی بدترین شکست کے بعد رشی کپور نے ہار تسلیم کرتے ہوئے پاکستان کو جیت پر مبارکباد دی۔
انہوں نے کہا کہ ’’پاکستان آپ نے ہمیں شکست دی۔ آپ بہت اچھا کھیلے۔ ہمیں تمام شعبوں میں مات دی۔ بہت مبارک ہو۔ میں ہار مانتا ہوں۔نیک تمنائیں‘‘
Yes Pakistan, you have defeated us. Well played, outplayed us in all departments. Many congratulations, I concede. Best wishes!
— Rishi Kapoor (@chintskap) June 18, 2017