سرگودھا:شادیاں کرکےگھرکا صفایا کرنے والی لڑکی گرفتار

سرگودھا میں شادیاں کرکے لوگوں کو لوٹنے والی 18 سالہ لڑکی کو عدالت نے جیل بھیجنے کا حکم دے دیا۔ ملزمہ نے 4ماہ کے دوران 7گھروں کا صفایا کیا۔

سرگودھا میں 18 سالہ لڑکی نے 7نکاح کیے، لڑکی کا باپ، بھائی اور نکاح خواں بھی جعلی نکلے۔یہ انکشاف اس وقت ہوا جب متاثرہ دُلہا اللہ دتہ اور اظہر محمودنے سیشن کورٹ میں اپنے اپنے نکاح نامے پیش کیے۔

عدالت کے حکم پر لڑکی کو گرفتار کرکے پولیس نے اسے جیل پہنچادیا۔

عدالتی ذرائع کے مطابق ملزمہ شادی کے بعد دُلہا کے گھرمیں ایک یا دو دن قیام کے بعد گھر سے طلائی زیورات اور دیگر اشیا کا صفایا کرکے چلی جاتی تھی ۔