ہمسایہ ریاستیں قطر کا ’ناجائز‘ اقتصادی بائیکاٹ ختم کریں، امیر قطر

قطر کے امیر شیخ تمیم بن حمد الثانی نے ہمسایہ ریاستوں پر زور دیا ہے کہ وہ گزشتہ چار ماہ سے جاری قطر کا ’ناجائز‘ اقتصادی بائیکاٹ ختم کر دیں۔

انہوں نے بدھ کے روز کہا کہ وہ اس تنازعے کے خاتمے کے لیے مذاکرات پر آمادہ ہیں۔ انڈونیشیا کے دورے کے دوران قطری امیر نے صدر جوکو وِدودو کے ساتھ مشترکہ پریس کانفرنس میں مزید کہا کہ اس بحران کے باعث تمام خلیجی ممالک کو نقصان ہو رہا ہے۔