| |
Home Page
پیر2 ؍ جمادی الثانی 1439ھ 19؍ فروری 2018ء
February 14, 2018 | 05:28 pm

بلجیم و برطانوی پولیس کی کارروائی، 26 انسانی اسمگلر گرفتار

Belgian And British Police Arrested 26 Suspects Of Human Trafficking

Belgian And British Police Arrested 26 Suspects Of Human Trafficking

بلجیم اور برطانوی پولیس نے انسانی اسمگلروں کے خلاف مشترکہ کارروائی کرتے ہوئے 26 افراد کو گرفتار کر لیا۔

کارروائی میں دونوں ممالک کے 250 پولیس اہلکاروں نے حصہ لیا جس کے تحت 24 مختلف مقامات پر مارے جانے والے چھاپوں میں 26 مبینہ انسانی اسمگلروں کو گرفتار کیا گیا۔

اس کارروائی کے نتیجے میں 36 تارکین وطن بھی بازیاب کرالئے گئے ۔

پولیس کے مطابق چھاپوں کے دوران منشیات اور نقد رقم بھی بر آمد ہوئیں۔

برطانوی سفارت خانے کے اعلامیے کے مطابق گرفتار کیے گئے انسانی اسمگلرز بلجیم سے لوگوں کو لے جا کر برطانیہ کے ملٹن کینز کے علاقوں میں مختلف کارواش پر کام کرواتے تھے اور اس کے بدلے میں انتہائی قلیل معا وضہ دیتے تھے۔

اعلامیے میں جدید دور میں غلامی کی اس نئی شکل کے خلاف دونوں ممالک کی مشترکہ کوششوں کا خیر مقدم بھی کیا گیا۔