وزیر اعظم کاحماداظہر، حفیظ شیخ کے قلمدان پر یوٹرن

10 جولائی ، 2019

وزیر اعظم کا حماد اظہر اور حفیظ شیخ کے قلمدان پر یو ٹرن

وزیر اعظم عمران خان نے حماد اظہر سے وفاقی وزیر ریونیو ڈویژن کا قلمدان واپس لے کر مشیر خزانہ حفیظ شیخ کو یہ قلمدان واپس دے دیا۔

وزیر اعظم نے حفیظ شیخ سے اقتصادی امور ڈویژن کا قلمدان واپس لے کر حماد اظہر کو وفاقی وزیر برائے اقتصادی امور ڈویژن مقرر کر دیا۔

کابینہ ڈویژن نے قلمدان کی اس تبدیلی کا نوٹیفکیشن جاری کر دیا ہے۔

واضح رہے کہ گزشتہ روز وزیر اعظم عمران خان نے مشیر خزانہ ڈاکٹر عبد الحفیظ شیخ کے اختیارات کم کرتے ہوئے ان سے ریونیو ڈویژن کا قلمدان واپس لے لیا تھا اور ان کی جگہ حماد اظہر کو وفاقی وزیر ریونیو ڈویژن کا قلمدان دے دیا تھا۔

کابینہ ڈویژن کی جانب سے گزشتہ روز ہی وزیر مملکت برائے ریونیو حماد اظہر کو وفاقی وزیر برائے ریونیو ڈویژن بنانے اور حفیظ شیخ کی ریونیو ڈویژن کے قلمدان سے سبکدوشی کا نوٹیفکیشن جاری کیا گیا تھا۔

ڈاکٹر عبد الحفیظ شیخ کے پاس اب وزیر اعظم عمران خان کے مشیر برائے خزانہ اور ریو نیو ڈویژن کے اختیارات ہیں۔

تازہ ترین