شازیہ مری کی خورشید شاہ کی رہائی پر جیالوں کو مبارک باد

پاکستان پیپلز پارٹی کی رہنما شازیہ مری نے سید خورشید شاہ کی رہائی پر جیالوں کو مبارک باد ہے۔

ترجمان پیپلز پارٹی پارلیمنٹیرینز شازیہ مری نے ایک بیان میں کہا ہے کہ نیب خیالی مقدمات بناکر حکومت مخالفین کو ہراساں کرتا ہے، نیب کو پولیٹیکل انجیئرنگ کیلئے بنایا گیا تھا۔

آمدن سے زائد اثاثہ جات کیس میں خورشید شاہ کی ضمانت منظور

سپریم کورٹ نے آمدن سے زائد اثاثہ جات کیس میں خورشید شاہ کی ضمانت منظور کرلی۔

انہوں نے کہا کہ سید خورشید شاہ کو جھکانے کیلئے ان کے خاندان کی خواتین کے خلاف مقدمے بنائے گئے۔

ان کا یہ بھی کہنا تھا کہ آمروں اور ان کی باقیات نے احتساب کو سیاسی ایجنڈا بنایا۔

خورشید شاہ کے پورے خاندان کو سیاسی انتقام کا نشانہ بنایا گیا: بلاول بھٹو

چیئرمین پاکستان پیپلز پارٹی بلاول بھٹو زرداری نے سینئر پی پی پی رہنما خورشید شاہ کو ضمانت پر مبارک باد دی ہے۔

واضح رہے کہ سپریم کورٹ نے پاکستان پیپلز پارٹی (پی پی پی) کے سینئر رہنما و قومی اسمبلی میں سابق اپوزیشن لیڈر خورشید شاہ کی آمدن سے زائد اثاثہ جات کیس میں ضمانت منظور کرلی۔

عدالت عظمیٰ نے خورشید شاہ کی ضمانت 1کروڑ روپے کے مچلکوں کے عوض منظور کی۔