ملک میں ایک تولہ سونے کی قیمت 1400 روپے بڑھ گئی

ملک میں مسلسل تیسرے روز سونے کی قیمت میں بڑا اضافہ ہوا ہے، جمعہ کو ایک تولہ سونے کی قیمت 1400 روپے بڑھ گئی۔

سندھ صرافہ بازار جیولرز ایسوسی ایشن کے مطابق فی تولہ سونا 1400 روپے مہنگا ہوکر 1 لاکھ 25 ہزار 600 روپے کا ہوگیا۔

انٹر بینک میں ڈالر 174 روپے کا ہوگیا

انٹربینک تبادلہ مارکیٹ میں کاروبار کے دوران ایک موقع پر ڈالر کی قدر 34 پیسے اضافے سے 174 روپے 30 پیسے تک گئی۔

صرافہ ایسوسی ایشن کے مطابق 10 گرام سونے کی قیمت 1201 روپے بڑھ کر 107682 روپے ہے۔

ایسوسی ایشن کے مطابق عالمی صرافہ بازار میں سونے کی قیمت 8 ڈالر بڑھ کر 1793 ڈالر فی اونس ہے۔