• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

احتجاجی مارچ سے نمٹنے کیلئے وزارتِ داخلہ کے ہنگامی اقدامات

تازہ ترین
قومی خبریں
23 اکتوبر ، 2021
احتجاجی مارچ سے نمٹنے کیلئے وزارتِ داخلہ کے ہنگامی اقدامات

حکومت کی جانب سے وفاقی دارالحکومت اسلام آباد کو مظاہرین سے ہر صورت محفوظ رکھنے کا فیصلہ کر لیا گیا ہے۔

ذرائع نے بتایا ہے کہ کالعدم جماعت کے اسلام آباد تک احتجاجی مارچ سے نمٹنے کے لیے وزارتِ داخلہ کی جانب سے ہنگامی اقدامات کر لیئے گئے۔

راولپنڈی میں راستے بند، مریض اور مسافر رُل گئے

کالعدم جماعت کے احتجاج کے باعث راولپنڈی میں راستوں کی بندش سے مریضوں اور مسافروں کو شدید مشکلات کا سامنا ہے۔

ذرائع کے مطابق وفاقی دارالحکومت کو احتجاجیوں سے محفوظ رکھنے کے لیے دیگر صوبوں سے پولیس کی بھاری نفری طلب کی گئی ہے۔

ذرائع نے بتایا کہ پنجاب، آزاد کشمیر اور کے پی سے پولیس کے 30 ہزار جوان مانگے گئے ہیں۔

پنجاب، کے پی اور کشمیر سے 10، 10 ہزار جوان و افسران طلب کیئے گئے ہیں۔

پنڈی، اسلام آباد میٹرو بس کہاں کہاں چلے گی؟

اسلام آباد پولیس کے ترجمان کا کہنا ہے کہ کالعدم جماعت کے اسلام آباد کی جانب لانگ مارچ کے باعث راولپنڈی اسلام آباد میٹرو بس آئی جے پی روڈ تا پاک سیکریٹریٹ چلتی رہے گی۔

ذرائع کا کہنا ہے کہ پنجاب، کے پی اور کشمیر سے آنے والے پولیس اہلکاروں کی نفری کے ساتھ دنگے فساد سے نمٹنے کا سامان بھی ساتھ لانے کی ہدایت کی گئی ہے۔

ذرائع نے مزید بتایا ہے کہ وفاقی وزارتِ داخلہ نے نفری اسلام آباد پہنچانے کے لیے تینوں سیکریٹریز کو مراسلے بھجوا دیئے ہیں۔

تازہ ترین