چائنا ٹیلی کام پر پابندی، امریکا کے ساتھ تعلقات متاثر ہوسکتے ہیں، چین

چین نے امریکا کی جانب سے چائنا ٹیلی کام پر پابندی کو بدنیتی پر مبنی دباؤ قرار دیا ہے۔

ترجمان چینی وزارت کامرس کا کہنا ہے کہ چائنا ٹیلی کام پر پابندی کے امریکی اقدام پر شدید تشویش ہے، اس سے امریکا کے ساتھ تعلقات متاثر ہوسکتے ہیں۔

امریکا نے گزشتہ روز چائنا ٹیلی کام پر پابندی عائد کرتے ہوئے 60 روز میں آپریشنز منقطع کرنے کا حکم دیا ہے۔