• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان جونیئر ہاکی ٹیم کی بھارت روانگی کیلئے PHF پُر امید

پاکستان ہاکی فیڈریشن نے اس امید کا اظہار کیا ہے کہ پاکستان جونیئر ہاکی ٹیم کو بروقت ویزے جاری کر دیئے جائیں گے اور پاکستان جونیئر ہاکی ٹیم بھارت میں ہونے والے جونیئر ورلڈ کپ میں حصہ لے گی۔

پاکستان ہاکی فیڈریشن کے سیکریٹری آصف باجوہ نے میڈیا کو بتایا کہ جونیئر ہاکی ٹیم کے ویزوں کے حوالے سے انڈین ہائی کمیشن سے رابطہ کیا ہے، انڈین ہاکی فیڈریشن سے بھی بات کر رہے ہیں، ہمیں بتایا گیا ہے کہ وقت پر ویزے جاری کر دیئے جائیں گے۔

آصف باجوہ نے کہا کہ سیکریٹری خارجہ بھی اس معاملے کو دیکھ رہے ہیں، امید ہے کہ رواں ہفتے حکومت کی جانب سے این او سی بھی مل جائے گا اور ویزوں کا معاملہ حل ہو جائے گا۔

پاکستان جونیئر ہاکی ٹیم کی 20 نومبر کو بھارت روانگی شیڈولڈ کی گئی ہے جبکہ جونیئر ہاکی ورلڈ کپ 24 نومبر سے بھو بنیشور میں شروع ہو گا۔

کھیلوں کی خبریں سے مزید