پی ڈی ایم پر قمر زمان کائرہ کے تبصرے پر حافظ حمد اللّٰہ کا ردعمل

اپوزیشن اتحاد پی ڈی ایم کے ترجمان حافظ حمد اللّٰہ نے پیپلز پارٹی کے رہنما قمر زمان کائرہ کے بیان پر جواب دے دیا۔

پی پی رہنما کے پی ڈی ایم سے متعلق تبصرے پر حافظ حمد اللّٰہ کا ردعمل سامنے آیا ہے، جس میں انہوں نے اپوزیشن جماعت پر پیٹھ میں چھرا گونپنے کا الزام دہرایا۔

انہوں نے کہا کہ پیپلز پارٹی کے بغیر پی ڈی ایم بحال بھی ہے، فعال بھی اور میدان عمل میں بھی ہے۔

بیک ڈور رابطوں کا دھوکا مزید نہیں چلے گا، قمر زمان کائرہ

پیپلز پارٹی کے سینئر رہنما قمر زمان کائرہ نے اپوزیشن کی سب سے بڑی جماعت مسلم لیگ (ن) سے بیک ڈور رابطے ختم کرنے کا کہہ دیا۔

پی ڈی ایم ترجمان نے مزید کہا کہ پیپلز پارٹی نے سینیٹ میں، اپوزیشن لیڈر کے عہدے کے حصول کے لئے پی ڈی ایم کی پیٹھ میں چھرا گھونپا۔

اُن کا کہنا تھا کہ پی پی پی نے صادق سنجرانی کو جتوایا اور غفور حیدری کو ہروایا قمرزمان کائرہ بتائیں کیا ایسا نہیں تھا؟

اپوزیشن پہلے اپنے پاؤں پر کھڑا ہونا سیکھے پھر سازش کرے، فواد چوہدری

وفاقی وزیر اطلاعات فواد چوہدری نے اپوزیشن کو پہلے اپنے پاؤں پر کھڑا ہونا سیکھنے کا مشورہ دیا اور کہا کہ ہر وقت سازش کرکے کامیاب نہیں ہوسکتے۔

حافظ حمد اللّٰہ نے یہ بھی کہا کہ قمر زمان کائرہ اور پیپلز پارٹی یہ بتائیں کیا یہ ایک ٹکٹ میں دو مزے لینے کی کوشش نہیں تھی؟

انہوں نے کہا کہ پی ڈی ایم پر تنقید کرکے پی پی حکومت کی نہیں اپوزیشن کی اپوزیشن کررہی ہے۔

طاقتور کو قانون سے اوپر نہیں رکھ سکتے، وزیراعظم عمران خان

وزیراعظم عمران خان نے کہا ہے کہ طاقتور کو قانون سے اوپر نہیں رکھ سکتے، پہلے اخلاقیات گرتی ہیں اور پھر معاشی زوال آتا ہے۔

پی ڈی ایم ترجمان نے کہا کہ اپوزیشن اتحاد میں اگر پی پی واپس آنا چاہتی ہے تو مولانا فضل الرحمان اور پی ڈی ایم کی قیادت سے رجوع کرے۔