تامل ناڈو: شدید بارشیں، فلڈ وارننگ جاری

بھارتی ریاست تامل ناڈو میں شدید بارشیں جاری ہیں، بھارتی محکمۂ موسمیات نے تامل ناڈو کے شہر چنئی سمیت 8 اضلاع میں ریڈ الرٹ جاری کر دیا۔

تامل ناڈو ڈیزاسٹر مینجمنٹ اتھارٹی نے 6 اضلاع میں آج فلڈ وارننگ جاری کر دی ہے، جبکہ تمام ریاست میں شدید بارشوں کے پیشِ نظر آج عام تعطیل ہے۔

بھارتی ریاست تامل ناڈو میں بارشوں کی تباہ کاری، 5 افراد ہلاک

بھارتی ریاست تامل ناڈومیں بارشوں کی تباہ کاری جاری ہے، جس کے نتیجے میں ہونے والے مختلف حادثات میں 5 افراد ہلاک ہوگئے ہیں۔

بھارتی محکمۂ موسمیات کا کہنا ہے کہ جنوب مغربی خلیجِ بنگال پر بنا ڈپریشن آج شام تک تامل ناڈو اور آندھرا پردیش کو کراس کر لے گا۔

بھارتی محکمۂ موسمیات نے بتایا ہے کہ ڈپریشن کے زیرِ اثر تامل ناڈو اور آندھرا پردیش میں آئندہ 3 سے 4 دن تک بارشیں ہوں گی۔

بھارتی محکمۂ موسمیات نے مزید بتایا ہے کہ تامل ناڈو کے کچھ مقامات پر آج شدید سے شدید ترین بارشوں کا امکان ہے۔

بھارت:بارش کی تباہ کاریاں، چنئی میں بھی ریڈ الرٹ جاری

بھارتی ریاست تامل ناڈو میں بارشوں کی تباہ کاریوں اور مختلف حادثات میں 5 افراد ہلاک ہوگئے ، چنئی سمیت 20 اضلاع میں ریڈ الرٹ جاری کردیا گیا۔

شدید بارشوں کے سبب چنئی کے 8 سب ویز آج بند ہیں۔

بھارتی محکمۂ موسمیات نے یہ بھی بتایا ہے کہ تامل ناڈو میں رواں مون سون سیزن میں معمول سے 52 فیصد زیادہ بارشیں ریکارڈ ہوئی ہیں۔