• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اپوزیشن ارکان کے اسپیکر اسد قیصر سے شکوے


اپوزیشن ارکان نے اسپیکر قومی اسد قیصر سے پارلیمنٹ کے مشترکہ اجلاس سے متعلق شکوے کیے ہیں۔

ن لیگ کے رانا ثنا اللّٰہ، پی پی کے خورشید شاہ اور سینیٹر شیری رحمان و دیگر نے اسد قیصر سے شکوے کیے ہیں۔

اپوزیشن ارکان نے کہا کہ حکومت نے پہلے پارلیمنٹ کا مشترکہ اجلاس بلایا اور پھر خود ہی اسے ملتوی کیا۔

انہوں نے مزید کہا کہ حکومت نے اجلاس کے التوا کی وجہ اپوزیشن سے بات چیت کو بتایا اور پھر حزب اختلاف سے بات کیے بغیر ہی دوبارہ اجلاس بلالیا۔

اپوزیشن ارکان نے اسپیکر قومی اسمبلی کو مخاطب کرتے ہوئے کہا کہ آپ نے اپوزیشن کو الیکٹرانک ووٹنگ مشین اور دیگر متنازع قانون سازی پر مذاکرات کی دعوت دی۔

انہوں نے یہ بھی کہا کہ ہم آپ کی دعوت پر مشاورت پر راضی ہوئے تو حکومت نے پارلیمنٹ کا مشترکہ اجلاس بلالیا، یہ کس کی توہین ہے؟

اس پر اسد قیصر نے کہا کہ وہ وفاقی وزرا کو بلا کر ابھی بات کرتے ہیں، اتفاق رائے سے قانون سازی ہوتی تو بہتر تھا۔

دوسری طرف وزیراعظم سے ملاقات کے بعد اسپیکر نے کہا کہ ضابطے کے مطابق اپوزیشن کے خط کا جواب دیں گے۔

قومی خبریں سے مزید