کترینہ اور وکی کا اپنے نئے گھر کا دورہ

بالی ووڈ اسٹار کترینہ کیف نے اپنے ہونے والے شوہر اور اداکار وکی کوشل کے ہمراہ اپنے نئے گھر کا دورہ کیا اور تزئین و آرائش کا جائزہ لیا۔

بھارتی میڈیا رپورٹس کے مطابق وکی کوشل نے اپنی ہونے والی اہلیہ کترینہ کیف کے لیے نیا اپارٹمنٹ خرید لیا ہے جہاں تزئین و آرائش کا کام جاری ہے۔

میڈیا رپورٹس میں بتایا جارہا ہے کہ وکی کوشل اور کترینہ کیف آٹھویں منزل پر رہائش اختیار کریں گے جبکہ اپارٹمنٹ کے ایک ذرائع کا کہنا ہے کہ یہ ایک ایسی عمارت ہے جہاں پوری منزل صرف ایک خاندان کو دی جاتی ہے۔

کترینہ اور وکی کوشل میں سے زیادہ دولت مند کون؟

بالی وڈ اداکارہ کترینہ کیف اور اداکار وکی کوشل جلد شادی کے بندھن میں بندھنے والے ہیں لیکن کیا آپ جانتے ہیں کہ صرف عمر ہی نہیں بلکہ کترینہ کیف آمدنی، جائیداد، گاڑی سمیت دیگر کئی چیزوں میں وکی کوشل سے آگے ہیں۔

بھارتی میڈیا کے مطابق اپارٹمنٹ میں سجاوٹ اور تزئین و آرائش تیزی سے کی جا رہی ہے اور توقع ہے کہ وکی اور کترینہ دسمبر میں کسی وقت اپنے نئے گھر میں شفٹ ہوجائیں گے۔

تزئین و آرائش کا جائزہ لینے کے لیے کترینہ کیف نے وکی کوشل کے ہمراہ اپنے نئے گھر کا دورہ کیا اور ایسا وہ کئی بار کرچکی ہیں۔

بھارتی میڈیا کا کہنا ہے کہ کبھی کترینہ کیف اپنے ہونے والے شوہر وکی کوشل کے ہمراہ اپارٹمنٹ آتی ہیں اور کبھی اکیلی بھی آکر کام کا جائزہ لیتی ہیں۔

کترینہ کی والدہ اور بہن نے شادی کی شاپنگ شروع کردی

بالی ووڈ کی سپر اسٹار کترینہ کیف کی والدہ اور بہن نے شادی کی شاپنگ شروع کردی ہے۔

 توقع کی جارہی ہے کہ کترینہ کیف اور وکی کوشل رواں سال دسمبر میں رشتۂ ازدواج میں منسلک ہوجائیں گے جبکہ اُن کی شادی راجستھان میں ہونے کا امکان ہے۔