کانفرنس کے اختتامی سیشن میں نواز شریف کا خطاب رکھنے پر فواد چوہدری چراغ پا

وفاقی وزیرِاطلاعات و نشریات فواد چوہدری عاصمہ جہانگیر کی یاد میں منعقدہ کانفرنس کے اختتامی سیشن سے سابق وزیراعظم نواز شریف کے خطاب پر چراغ پا ہوگئے۔

ایک بیان میں فواد چوہدری نے کانفرنس کے منتظمین کی جانب سے اختتامی سیشن میں نواز شریف کا خطاب رکھنے پر تبصرہ کیا اور کہا کہ چیف جسٹس کے بعد مفرور شخص نے خطاب کیا۔

انہوں نے کہا کہ چیف جسٹس اور سینئر ججز کی تقریر کے بعد ایک مفرور شخص کا کانفرنس سے اختتامی خطاب رکھنا، ججوں اور عدلیہ کی توہین اور ملک اور آئین کا مذاق اُڑانے کے مترادف ہے۔

معزز ججز کو سیاسی اجتماعات سے دور رہنا چاہیے، شہزاد اکبر

وزیر اعظم عمران خان کے مشیر احتساب و داخلہ شہزاد اکبر نے کہا ہے کہ معزز ججوں کو سیاسی اجتماعات سے دور رہنا چاہیے۔

وفاقی وزیر نے کانفرنس میں شرکت سے معذرت کرلی اور سپریم کورٹ بار ایسوسی ایشن کو بھی اس معاملے پر غیر جانبدار رہنے کا مشورہ دے دیا۔

انہوں نے مشورے میں کہا کہ غیر جانبدار رہ کر ہی وکلا کوئی کردار ادا کرسکتے ہیں۔

ججز کو نہیں پتا تھا نواز شریف تقریر کریں گے، احسن بھون

سپریم کورٹ بار کے صدر احسن بھون نے کہا ہے کہ ججز کو نہیں پتا تھا نواز شریف تقریر کریں گے۔

فواد چوہدری نے مزید کہا کہ چیف جسٹس (ر) افتخار چوہدری کی عدالت کے بڑے مقدموں کی لسٹ نکلوائیں، ہر کیس میں حامد خان وکیل ہے اور دو تین لوگ اور ہیں۔