سپریم کورٹ بار کا عاصمہ جہانگیر کانفرنس سے متعلق وضاحتی اعلامیہ

سپریم کورٹ بار ایسوسی ایشن پاکستان (ایس سی بی اے پی) نے عاصمہ جہانگیر کانفرنس سے متعلق وضاحتی اعلامیہ جاری کیا ہے۔

اعلامیے کے مطابق سپریم کورٹ بار عاصمہ جہانگیر کانفرنس کے مقررین کے نقطہ نظرکی توثیق نہیں کرتی، فورم ملک کے قومی مسائل پر باہمی نقطہ نظر کے لیے مختص ہے۔

بار اعلامیے میں کہا گیا کہ سپریم کورٹ بار کسی ایجنڈے کے تحت کانفرنس کے انعقاد کے الزامات مسترد کرتی ہے، کانفرس کے انعقاد کا مقصد ترقی یافتہ اور جمہوری پاکستان ہے۔

کانفرنس کے اختتامی سیشن میں نواز شریف کا خطاب رکھنے پر فواد چوہدری چراغ پا

وفاقی وزیر اطلاعات و نشریات فواد چوہدری عاصمہ جہانگیر کی یاد منعقدہ کانفرنس کے اختتامی سیشن سے سابق وزیراعظم نواز شریف کے خطاب پر چراغ پاہوگئے۔

اعلامیے کے مطابق جمہوری ترقی کے لیے اظہار رائے کی آزادی بنیادی جزو ہے، عدلیہ، وکلا، انسانی حقوق کے لیے متحرک نمائندگان کو نقطہ نظر پیش کرنے کا موقع دیا گیا۔

ایس سی بی اے پی اعلامیے کے مطابق بار ایسوسی ایشن نے صحافیوں، حکومت اور اپوزیشن کو بات کرنے کے لیے پل کا کردار ادا کیا ہے۔

ججز کو نہیں پتا تھا نواز شریف تقریر کریں گے، احسن بھون

سپریم کورٹ بار کے صدر احسن بھون نے کہا ہے کہ ججز کو نہیں پتا تھا نواز شریف تقریر کریں گے۔

اعلامیے کے مطابق سپریم کورٹ بار کسی کو بے بنیاد الزامات لگانے کی اجازت نہیں دے سکتی، ملکی ترقی کے لیے قانون کی حکمرانی، شفاف ٹرائل، آئین پاکستان ہی واحد ذریعہ ہیں۔