جماعت اسلامی نے سندھ ترمیمی بلدیاتی بل مسترد کردیا

جماعت اسلامی نے سندھ ترمیمی بلدیاتی بل مسترد کرتے ہوئے اسے کراچی پر قبضے کا بل قرار دے دیا۔ 

امیر جماعت اسلامی کراچی حافظ نعیم الرحمان نے کہا کہ یہ بل اصل میں کراچی پر قبضے کا بل ہے، کراچی کے لیے بااختیار شہری حکومت کے مطالبے سے پیچھے نہیں ہٹیں گے۔

ان کا کہنا تھا کہ کل سندھ حکومت نے اسمبلی کے تمام رولز بلڈوز کر کے بلدیاتی بل منظور کروایا۔

سندھ اسمبلی میں بلدیاتی نظام سے متعلق ترمیمی بل 2021 کثرت رائےسے منظور

لوکل گورنمنٹ ترمیمی بل2021 کے مطابق کراچی سمیت سندھ کے بڑے شہروں میں کارپوریشنز اور ٹاونز کا نظام ہو گا۔ یونین کمیٹیز کےوائس چیئرمینز ٹاؤن میونسپل کونسل کےرکن ہوں گے۔

انہوں نے یہ بھی کہا کہ پاکستان پیپلز پارٹی (پی پی پی) نے اپنی عددی برتری کا ناجائز فائدہ اٹھاکر اتنا اہم بل منظور کروایا ہے۔

حافظ نعیم الرحمان کا کہنا تھا کہ سندھ بلدیاتی ترمیمی بل کراچی اور دیگر شہری علاقوں کے خلاف ہے اس سے تعصب اور لسانیت کی بو آتی ہے۔

انہوں نے کہا کہ اس بل سے مالی و انتظامی اختیارات نچلی سطح پر منتقل نہیں ہوں گے۔