ثانیہ مرزا کی نشتر پارک اسپورٹس کمپلیکس کے ٹینس کورٹ میں پریکٹس

انٹرنیشنل ٹینس اسٹار ثانیہ مرزا نے نشتر پارک اسپورٹس کمپلیکس کے ٹینس کورٹ میں پریکٹس کی، شعیب ملک کی اہلیہ نے انٹرنیشنل ٹینس اسٹار اعصام الحق اور عقیل خان کے ساتھ پریکٹس کی۔

انٹرنیشنل ٹینس اسٹار ثانیہ مرزا نے اعصام الحق اور عقیل خان کے ہمراہ دو گھنٹہ اسٹیٹ آف دی آرٹ ٹینس کورٹ میں پریکٹس کی۔

ثانیہ مرزا کو کراچی کی بریانی میں کیا خاص لگا؟

پاکستانی آل راؤنڈر شعیب ملک کی اہلیہ اور معروف بھارتی ٹینس اسٹار ثانیہ مرزا کا کہنا ہے کہ انہیں کراچی کی بریانی بہت پسند ہے۔

اس موقع پر ثانیہ مرزا نے ڈپٹی ڈائریکٹر اسپورٹس چاند پروین اور پی آر او عبدالرؤف سے گفتگو کی۔ 

ان کا کہنا تھا کہ اسپورٹس بورڈ نے شاندار ٹینس کورٹ بنایا ہے، عالمی معیار کی سہولیات دیکھ کر خوشی ہوئی۔

ثانیہ مرزا کا یہ بھی کہنا تھا کہ کورٹ پر سہولتوں سے ٹینس کے کھیل کو فروغ ملے گا۔