• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اومی کرون سے متعلق ابھی بہت سے سوالات جواب طلب ہیں، ڈبلیو ایچ او

سربراہ ڈبلیو ایچ او ٹیڈروس ایڈہانوم - فوٹو: فائل
سربراہ ڈبلیو ایچ او ٹیڈروس ایڈہانوم - فوٹو: فائل

عالمی ادارہ صحت (ڈبلیو ایچ او) کے سربراہ ٹیڈروس ایڈہانوم کا کہنا ہے کہ تمام ممالک پُرسکون رہ کر اومی کرون کے خلاف حقیقی اقدامات کریں، نئے ویرینٹ اومی کرون سے متعلق ابھی بہت سے سوالات جواب طلب ہیں، سب ملک منطقی، متناسب اور خطرے میں کمی لانے والے اقدامات کریں۔

میڈیا بریفنگ میں سربراہ ڈبلیو ایچ او کا کہنا تھا کہ اومی کرون پھیلاؤ کے اثرات اس کی شدت، اس کے ٹیسٹ، ویکسین اور بہت سی باتیں ابھی جاننی باقی ہیں۔


ان کا کہنا تھا کہ اومی کرون کے خلاف عالمی ردِعمل پُرسکون، جامع اور مربوط ہونا چاہیے۔

ٹیڈروس ایڈہانوم نے کہا کہ کورونا کے نئے ویرینٹ کی فوری نشاندہی اور دنیا کو بتانے پر جنوبی افریقہ اور بوٹسوانا کے شکرگزار ہیں تاہم سفری پابندیاں لگا کر ان ممالک کو صحیح کام کرنے کی سزا دینا باعث تشویش ہے۔

قومی خبریں سے مزید