سندھ کمیشن فار ریگولائزیشن آف کنسٹرکشن آرڈیننس کا مسودہ تیار

سندھ میں خلاف ضابطہ بنائی گئی زمینوں پر رہنے والوں کے لئے اچھی خبر ہے کہ صوبائی حکومت نے انسداد تجاوزات کاروائیوں کو روکنے کے لئے سندھ کمیشن فار ریگولائزیشن آف کنسٹرکشن کے نام سے آرڈیننس کا مسودہ تیار کیا ہے جسے وزیر اعلی سندھ نے گورنر عمران اسمعیل کو بھجوایا ہے۔

ذرائع کے مطابق مسودے کے مطابق سندھ کمیشن فار ریگولائزیشن آف کنسٹریشن ریٹائر جج کی سربراہی میں قائم کیا جائے گا جس کے ارکان میں وزیر یا مشیر قانون، سیکریٹری محکمہ بلدیات و ٹاون پلاننگ اور ایسوسی ایشن آف بلڈرز اینڈ ڈولپرز کے نمائندے سمیت بیس سال کا تجربہ رکھنے والا ماہر آرکیٹکٹ ، سینیئر وکیل اور ماہر تعمیرات اس کے ارکان میں شامل ہوں گے۔ 

عمارتیں گرائی جارہی ہیں، لیکن یہ بنی گالہ میں کیوں نہیں ہوتا؟،مرتضی وہاب

مرتضیٰ وہاب نے کہا کہ امید ہے وہ لوگ جو ایک پاکستان کی بات کرتے ہیں ان کے قول و فعل میں تضاد نہیں ہوگا۔

مسودے کے مطابق کمیشن کو غیر قانونی تعمیرات میں ملوث افسران اور ذمہ داروں کے خلاف کارروائی کے علاوہ تعمیرات کرنے والے بلڈر پر جرمانہ طے کرنے کا اختیار ہوگا۔

ایسی اتھارٹی کا مطالبہ کیا ہے جس کی منظوری کے بعد کوئی سوال نہ اُٹھے، چیئرمین آباد

کراچی میں پریس کانفرنس کرتے ہوئے محسن شیخانی نے کہا کہ ہم بھی غیرقانونی تعمیرات کے خلاف ہیں ، پارکس، نالوں پر اور رفاعی پلاٹوں پر تعمیرات نہیں ہونی چاہیے۔

سندھ کمیشن فار ریگولائزیشن آف کنسٹریشن کا اطلاق کنٹونمنٹ بورڈز اور وفاقی حکومت کی زمینوں کے علاوہ پورے سندھ پر ہوگا۔ کمیشن کو عدالتی اختیارات حاصل ہوں گے اور یہ غیر قانونی تعمیرات کرانے والے افسران کے کرمنل کیسز درج کرانے کا حکم دے سکتا ہے۔