• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں جہاز اڑانے کیلئے برطانیہ سے امتحان پاس کرنا ہوگا

آج کا اخبار
اہم خبریں
02 دسمبر ، 2021
پاکستان میں جہاز اڑانے کیلئے برطانیہ سے امتحان پاس کرنا ہوگا

اسلام آباد(نیوز ایجنسی) پاکستان میں جہاز اڑانے کیلئے برطانیہ سے امتحان پاس کرنا ہوگا، وفاقی حکومت نے پائلٹس کے امتحانات آؤٹ سورس کرنے کا فیصلہ کرتے ہوئے جعلی لائسنس کے معاملے میں برطانیہ سے مدد مانگ لی۔

تفصیلات کے مطابق پائلٹس کے جعلی لائسنس سے متعلق حکومت پاکستان کی جانب سے بڑا اقدام اٹھایا گیا ہے جس کے تحت پاکستان سول ایوی ایشن اتھارٹی برطانوی ای اے اے کی خدمات حاصل کرلے گا۔

اس سلسلے میں برطانوی سول ایوی ایشن اور پاکستان سول ایوی ایشن کے درمیان معاہدہ بھی طے پاگیا ہے جس کی مدت تین سال ہوگی اور کابینہ نےدونوں اداروں میں فریم ورک ایگریمنٹ کی منظوری بھی دے دی۔

معاہدے کے تحت برطانوی سول ایوی ایشن ایف او او، پی پی ایل، سی پی ایل امتحان لینےکی مجاز ہوگی جس کےلیے پہلے سال فی پیپر امتحانی فیس 90 پانڈ اور دوسری سال 95 پانٹ مقرر کی گئی ہے۔

پاکستان سی اے اے پہلی مرتبہ 75 فیصد دوسری مرتبہ امتحان پر 25 فیصد ادائیگی کرے گی جب کہ تیسری مرتبہ امتحان پر پائلٹ فیس کی مکمل ادائیگی خود کرنے کا پابند ہوگا۔ 

تازہ ترین