اے سی جھنگ عمران جعفر فائرنگ سےجاں بحق

اسسٹنٹ کمشنر جھنگ عمران جعفر فائرنگ سےجاں بحق ہوگئے۔

ترجمان ڈی پی او کے مطابق عمران جعفر آبائی گاؤں بڑا لنگرانہ اپنے گھر آئے ہوئے تھے اور ان کا اپنے چچا زاد بھائیوں سے جھگڑا بھی ہوا تھا۔

ترجمان ڈی پی او نے مزید بتایا کہ لاش ٹی ایچ کیو بھوانہ منتقل کردی گئی ہے اور واقعے کی تحقیقات شروع کر دی گئی ہے۔

دوسری جانب آئی جی پنجاب نے اے سی جھنگ عمران جعفر کے قتل پر آر پی او فیصل آباد سے رپورٹ طلب کرلی ہے۔

آئی جی پنجاب نے ہدایت کی ہے کہ ڈی پی او چنیوٹ واقعے کی جگہ پہنچیں اور قاتلوں کو فوری گرفتار کرکے سخت قانونی کارروائی کریں۔