مریم نواز کا این اے 133 میں پارٹی امیدوار کی کامیابی پر ردعمل

سابق وزیراعظم نواز شریف کی صاحبزادی مریم نواز نے این اے 133 لاہور کے ضمنی انتخاب میں کامیابی پر جذباتی انداز میں بھرپور خوشی کا اظہار کیا۔

سماجی رابطے کی ویب سائٹ پر مریم نواز نے ایک بیان میں این اے 133 لاہور کے ضمنی الیکشن میں پارٹی امیدوار شائستہ پرویز ملک کی کامیابی پر مسرت کا اظہار کیا۔

انہوں نے اپنے پیغام میں اللّٰہ رب العزت کی حمد و ثنا کی اور لکھا کہ ’ایک باری فیر شیر، الحمدللّٰہ‘ اور ساتھ ہی دعا کا ایموجی لگادیا۔

این اے 133 میں کامیابی، شہباز شریف حلقے کے عوام کے مشکور

مسلم لیگ (ن) کے صدر اور اپوزیشن لیڈر شہباز شریف نے این اے 133 لاہور میں کامیابی پر عوام کا شکریہ ادا کیا ہے۔

مریم نواز نے ایک اور بیان میں این اے 133 پر پارٹی امیدوار کی کامیابی پر اللّٰہ کا شکر ادا کیا اور ن لیگی کارکنوں کو شیر کہہ مخاطب کیا اور مبارک باد دی۔

ہر ضمنی الیکشن میں ثابت ہوا ن لیگ مقبول ترین جماعت ہے، حمزہ شہباز

اپوزیشن لیڈر پنجاب اسمبلی حمزہ شہباز نے قومی اسمبلی کے حلقے این اے 133 لاہور میں کامیابی پر شائستہ پرویز ملک اور کارکنان کو مبارک باد دی ہے۔

این اے 133 کے 254 پولنگ اسٹیشنز کے غیر حتمی و غیر سرکاری نتائج میں ن لیگ کی شائستہ پرویز ملک نے 46 ہزار 811 ووٹ حاصل کر کے کامیابی اپنے نام کی ہے۔

اسی نشست پر پیپلز پارٹی کے اسلم گل 32 ہزار 313 ووٹ لے کر دوسرے نمبر پر رہے ہیں۔