• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آغا سراج درانی کو عدالتی ریمانڈ پر جیل بھیج دیا گیا

تازہ ترین
قومی خبریں
06 دسمبر ، 2021
آغا سراج درانی کو عدالتی ریمانڈ پر جیل بھیج دیا گیا

کراچی کی احتساب عدالت نے آمدن سے زائد اثاثے بنانے کے ریفرنس میں اسپیکر سندھ اسمبلی آغا سراج درانی کو 23 دسمبر تک عدالتی ریمانڈ پر جیل بھیج دیا گیا۔

نیب نے اسپیکر سندھ اسمبلی آغا سراج درانی کو احتساب عدالت میں پیش کیا، نیب پراسیکیوٹر زاہد بالادی اور ریفرنس کے تفتیشی افسر حمید اللّٰہ بھی عدالت میں پیش ہوئے جبکہ آغا سراج درانی کی جانب سے شہاب سرکی ایڈووکیٹ اور عامر رضا نقوی پیش ہوئے۔

سراج درانی نے اسلام آباد سے گرفتاری کی وجہ بتا دی

گزشتہ روز نیب کے ہاتھوں گرفتار ہونے والے اسپیکر سندھ اسمبلی آغا سراج درانی کا کراچی کے بجائے اسلام آباد سے گرفتار ہونے کے حوالے سے کیئے گئے سوال کے جواب میں کہنا ہے کہ بس جہاز میں آنے جانے کا شوق ہے۔

سراج درانی کی پیشی سے قبل ہی پیپلزپارٹی کے کارکنان احتساب عدالت پہنچ گئے تھےجبکہ ان کے دو بھائی اور بیٹا بھی عدالت میں موجود تھے۔

نیب پراسیکیوٹر نے عدالت کو بتایا کہ سپریم کورٹ نے آغا سراج درانی کی ضمانت مسترد کردی تھی،انہیں 3 دسمبر کو سپریم کورٹ کے باہر سے گرفتار کیا گیا ، نیب کی جانب سے ان کے ریمانڈ کی استدعا کی گئی ۔

آغا سراج درانی فیملی کی ڈکلیئر اور نان ڈکلیئر اثاثوں کی تفصیلات

آمدنی سے زائد اثاثوں کے کیس میں اسلام آباد سپریم کورٹ کے باہر سے گرفتار اسپیکر سندھ اسمبلی اور پاکستان پیپلز پارٹی کے رہنما آغا سراج درانی اور ان کی فیملی کے ارکان کے ڈکلیئر اور نان ڈکلیئر اثاثہ جات کی سندھ ہائی کورٹ میں جمع کرائی گئی مبینہ نیب کی رپورٹ سامنے آگئی ہے۔

واضح رہے کہ سپریم کورٹ نے آغا سراج درانی کو نیب کے سامنے سرینڈر کرنے کی ہدایت کی تھی ، اس سے قبل سندھ ہائیکورٹ نے 13 اکتوبر 2021 ءکو ان کی درخواست ضمانت مسترد کردی تھیجس کے بعد آغاسراج درانی ڈیڑھ ماہ تک غائب رہے تھے۔

نیب کا کہنا ہے کہ آغا سراج کے خلاف ایم پی اے ہاسٹل کی تعمیر میں کرپشن سے متعلق انویسٹی گیشن جاری ہے،ان کے خلاف بے نظیر بھٹو شہید میڈیکل یونیورسٹی لیاری میں غیر قانونی تقرریوں پر بھی انکوائری جاری ہے۔

تازہ ترین