• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مریم نواز اور حمزہ کی گلوکاری پر فواد چوہدری کا ردّعمل

وفاقی وزیر اطلاعات و نشریات فواد چوہدری کی جانب سے مسلم لیگ نون کی نائب صدر مریم نواز اور اپوزیشن لیڈر حمزہ شہباز کی گلوکاری پر ردّعمل سامنے آگیا۔

کابینہ اجلاس کے بعد پریس کانفرنس کے دوران فواد چوہدری سے مریم نواز اور حمزہ شہباز کی گلوکاری کے حوالے سے سوال کیا گیا جس پر وفاقی وزیر نے کہا کہ ’میں مریم اور حمزہ کی گلوکاری کی تعریف کرنا چاہتا ہوں۔‘

فواد چوہدری نے کہا کہ ’ہمارے یہاں نجی محفلوں میں گانے گائے جاتے ہیں، انجوائے کیا جاتا ہے اور مریم اور حمزہ نے بھی یہی کیا۔‘

اُنہوں نے کہا کہ ’مریم نواز اور حمزہ شہباز کو جنید صفدر کی شادی کی تقریب میں گلوکاری کرتا دیکھ کر بہت اچھا لگا کیونکہ نارمل پاکستان ایسا ہی ہے۔‘

وفاقی وزیر نے مزید کہا کہ ’ہمارا شریف خاندان کے ساتھ صرف سیاسی اختلاف ہے، ذاتی نہیں۔‘

واضح رہے کہ مریم نواز کے بیٹے، جنید صفدر کی شادی کی تقریبات کا آغاز ہو چکا ہے جبکہ رواں ماہ کی 17 تاریخ کو اُن کا ولیمہ ہوگا۔

جنید صفدر کی شادی سے متعلق خبریں، ویڈیوز اور تصویریں آج کل سوشل میڈیا پر خوب وائرل ہو رہی ہیں۔

یاد رہے کہ جنید صفدر کا نکاح لندن میں ہوا تھا جبکہ شادی کی باقاعدہ تقریبات پاکستان میں طے ہونا پائی ہیں جن میں رُخصتی اور ولیمہ شامل ہے.

خاص رپورٹ سے مزید