کوہلی نے انوشکا کو کیوں پروپوز نہیں کیا تھا؟

11 دسمبر ، 2021

بالی ووڈ اداکارہ انوشکا شرما کے شوہر اور بھارتی کرکٹر ویرات کوہلی نے اُنہیں پروپوز نہ کرنے کی وجہ بتادی۔

انوشکا شرما اور ویرات کوہلی آج اپنی شادی کی چوتھی سالگرہ منارہے ہیں اور اس موقع پر بھارتی خبر رساں ادارے کی جانب سے اُن کی ویب سائٹ پر کوہلی کا ایک پُرانا انٹرویو شائع کیا گیا ہے۔

ویرات کوہلی نے کہا تھا کہ ’اُنہوں نے انوشکا کو روایتی طور پر شادی کے لیے پروپوز نہیں کیا تھا کیونکہ اُن دونوں کو معلوم تھا کہ اُن کی شادی لازمی ہوگی۔‘

بھارتی کرکٹر نے کہا کہ ’جب ہم کسی سے محبت کرتے ہیں تو ہمارے لیے اُس کے ساتھ گُزارا گیا ہر دن ہی خاص ہوتا ہے، اسی لیے مجھے کبھی انوشکا کو پروپوز کرنے کے لیے کسی خاص موقع کی ضرورت ہی محسوس نہیں ہوئی۔‘

آخر میں اُنہوں نے انکشاف کیا کہ ’ہم نے اپنی شادی کے لیے چیزوں کا اہتمام کرتے وقت مختلف ناموں اور ای میل آئی ڈی کا استعمال کیا لیکن یہ میرا خیال نہیں تھا اگر یہ میرے اختیار میں ہوتا تو میں سب کچھ ظاہر کر دیتا لیکن شکر ہے میں ایک ٹیسٹ میچ کھیل رہا تھا اور انوشکا ہماری شادی کی تیاری کو خفیہ رکھنے میں کامیاب رہیں۔‘