کرکٹ آسٹریلیا کے وفد نے لاہور میں مصروف دن گزارا

کرکٹ آسٹریلیا کے وفد نے لاہور میں مصروف دن گزارا، وفد نے قذافی اسٹیڈیم اور سیف سٹی اتھارٹی کا دورہ کیا، اس موقع پر وفد کو بھی بریفنگ دی۔

لاہور میں موجود کرکٹ آسٹریلیا کے وفد نے پہلے قذافی اسٹیڈیم کا دورہ کیا، وفد کے ہمراہ ڈائریکٹر انٹرنیشنل ذاکر خان موجود تھے۔

پی سی بی کے شعبہ سیکیورٹی اور ویجلینس نے وفد کو بریفنگ دی، وفد نےگراؤنڈز اور پویلین کا جائزہ لیا اور تصاویر بنائیں۔

کراچی: پاکستان، ویسٹ انڈیز سیریز کے پہلے ٹی20 کی تیاریاں تیز، ٹیموں کی پریکٹس

پاکستان اور ویسٹ انڈیز کی کرکٹ ٹیموں نے کراچی میں ٹی ٹوئنٹی سیریز کی تیاریاں شروع کردی ہیں، دونوں ٹیمیں نیشنل اسٹیڈیم میں پریکٹس میں مشغول ہیں۔

قذافی اسٹیڈیم کے بعد وفد نے سیف سٹی اتھارٹی کا دورہ کیا۔ ذرائع کا کہنا ہے کہ وفد نے انتظامات کے حوالے سے اطمینان کا اظہار کیا ہے۔

اس سے قبل وفد کراچی اور راولپنڈی کا دورہ بھی کر چکا ہے، آسٹریلوی وفد کراچی میں پاکستان اور ویسٹ انڈیز کے درمیان ٹی20 سیریز کے میچز بھی دیکھے گا۔

پاکستان سپر لیگ 7 کی ڈرافٹنگ کل لاہور میں ہوگی

پاکستان سپر لیگ (پی ایس ایل) 7 کی ڈرافٹنگ کل نیشنل ہائی پرفارمنس سینٹر لاہور میں ہوگی، ڈرافٹنگ پاکستان کے پہلے اسپورٹس چینل جیو سپر براہ راست نشرکی جائے گی۔

آسٹریلوی کرکٹ ٹیم کو آئندہ سال مارچ میں پاکستان کا دورہ کرنا ہے، پاکستان اور آسٹریلیا کے درمیان سیریز کے میچز لاہور، کراچی اور راولپنڈی میں شیڈولڈ ہیں، آسٹریلیا کی کرکٹ ٹیم 1998 میں آخری بار پاکستان آئی تھی۔