فرمان الہی
نماز کے اوقات
صدرِ مملکت ڈاکٹر عارف علوی نے کرسمس کے موقع پر مسیحی برادری کے نام پیغام جاری کیا ہے۔
ایوانِ صدر اسلام آباد سے جاری کیئے گئے اپنے پیغام میں انہوں نے کہا ہے کہ پاکستان اور دنیا بھر میں مسیحی برادری کو کرسمس کی دلی مبارک باد پیش کرتا ہوں۔
صدرِ مملکت نے کہا ہے کہ قائدِ اعظم نے تمام برادریوں کے لیے بلا تفریقِ مذہب، پیشہ یا نسل مساوات، آزادی اور تحفظ کی پالیسی کا اعلان کیا۔
انہوں نے کہا کہ پاکستان کا آئین تمام شہریوں کو بلا لحاظِ مذہب، ذات اور نسل بنیادی حقوق کی ضمانت دیتا ہے۔
صدرِ عارف علوی نے مزید کہا کہ حکومتِ پاکستان اقلیتوں سمیت تمام پاکستانیوں کو مساوی مواقع فراہم کرنے کے لیے پُرعزم ہے۔
صدرِ پاکستان ڈاکٹر عارف علوی کا اپنے پیغام میں یہ بھی کہنا ہے کہ پاکستان میں اقلیتیں ملکی ترقی و خوش حالی میں بڑھ چڑھ کر حصہ لے رہی ہیں۔
