فرمان الہی
نماز کے اوقات
سیہون شریف (نامہ نگار) پیپلزپارٹی کے جیالوں کی بس انڈس ہائی وے روڈ پر مخالف سمت سے آنیوالی بس سے ٹکرا گئی۔ گڑھی خدابخش سے واپس کراچی آنے والی مسافر کوچ اور کراچی سے سیہون شریف جانیوالی مسافرکوچ کے درمیان خوفناک تصادم ہوگیا۔ حادثے میں دو افراد جاں بحق اور 15سے زائد افراد زخمی بھی ہوگئے۔تفصیلات کے مطابق ایک مسافر کوچ میں پاکستان پیپلز پارٹی سے تعلق رکھنے والے کارکنان جبکہ دوسری میں عام مسافر سوار تھے، حادثے کے باعث دونوں مسافر بسوں میں سوار مرد، بچے اور خواتین حادثے کا شکار ہوگئے۔ حادثے کا نشانہ بننے والے افراد کراچی کے علاقے پاک کالونی پرانا گولیمار یوسی 6 کے رہائشی بتائے جارہے ہیں۔ حادثے کے بعد ٹریفک مکمل طور پر جام ہوگیا، گاڑیوں کی لمبی قطاریں لگ گئے۔ موٹروے پولیس اور انتظامیہ نے روڈ کو کلیئر کروایا۔
