فرمان الہی
نماز کے اوقات
چیئرمین پیپلز پارٹی بلاول بھٹو زرداری نے مری میں سیاحوں کے جاں بحق ہونے پر اظہارِ افسوس کرتے ہوئے کہا کہ بہتر ہوتا کہ مری میں سیاحوں کو سنگین صورت حال سے آگاہ کیا جاتا۔
بلاول بھٹو نے مری میں جاں بحق ہونے والے سیاحوں کے لواحقین سے اظہار تعزیت کیا۔
انہوں نے کہا کہ مری میں افسوس ناک سانحے پر پورا ملک سوگوار ہے۔
بلاول بھٹو نے کہا کہ انتظامیہ سیاحوں کی فی الفور مدد کے لیے ہنگامی اقدامات کرے۔
خیال رہے کہ رات سے 1 ہزار گاڑیاں مری کی شدید برف باری میں پھنسی ہوئی ہیں، ان پھنسی ہوئی گاڑیوں میں 21 افراد کی اموات ہوچکی ہیں۔
وفاقی وزیر برائے اطلاعات فواد چوہدری کا کہنا ہے کہ کمشنر مری کے مطابق انتظامیہ کی انتھک کوششوں سے مری ایکسپریس وے اب کلیئر کر دی گئی ہے، صورتحال میں مسلسل بہتری ہو رہی ہے۔
