• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مری میں افسوسناک سانحہ کی ذمہ دار انتظامیہ اور حکومت ہے، مولانا اسعد محمود

تازہ ترین
قومی خبریں
08 جنوری ، 2022
مری میں افسوسناک سانحہ کی ذمہ دار انتظامیہ اور حکومت ہے، مولانا اسعد محمود

اپوزیشن جماعت جمعیت علماء اسلام کےقومی اسمبلی میں پارلیمانی لیڈر مولانا اسعد محمود نے کہا ہے کہ مری میں افسوسناک سانحہ کی ذمہ دار انتظامیہ اور حکومت ہے۔

اسلام آباد سے جاری بیان میں مولانا اسعد محمود نے کہا کہ نیشنل ڈیزاسٹر مینجمنٹ اتھارٹی (این ڈی ایم اے) نے حکومت اور انتظامیہ کو 4 روز قبل تمام صورتحال سے آگاہ کردیا تھا۔

انہوں نے کہا کہ الرٹ کے باوجود انتظامیہ اور حکومت کی لاپروائی کی وجہ سے مری میں 21 اموات ہوئی ہیں۔

جے یو آئی پارلیمانی لیڈر نے مزید کہا کہ وفاقی وزراء مری کے لئے سیاحوں کو دعوت دے رہے تھے اب کہاں غائب ہیں، معاملہ پارلیمان میں اٹھایا جائے گا، سانحہ کے لواحقین کو انصاف دلوائیں گے۔

قومی خبریں سے مزید