بھارت: تامل ناڈو میں کورونا کیسز میں اضافہ، اتوار سے لاک ڈاؤن کا اعلان

بھارتی ریاست تامل ناڈو میں کورونا وائرس کے کیسز میں اضافے پر اتوار کو لاک ڈاؤن کا اعلان کردیا گیا۔

بھارتی میڈیا کےمطابق لاک ڈاؤن کے دوران تامل ناڈو میں رکشہ ٹیکسی کو صرف ایئرپورٹ، بس اور ریلوے اسٹیشن جانے کی اجازت ہوگی۔

دنیا بھر میں کورونا وائرس کے یومیہ کیسز کا نیا ریکارڈ

دنیا بھر میں کورونا وائرس کے یومیہ کیسز کا نیا ریکارڈ بن گیا ہے۔ خبر ایجنسی کے مطابق دنیا بھر میں 13 تا 19 جنوری اوسط یومیہ 30 لاکھ سے زائد کورونا کیس رپورٹ ہوئے ہیں۔

بھارتی دارالحکومت نئی دلی میں کورونا کے سبب ویک اینڈ کرفیو کا نفاذ جاری ہے۔ کورونا صورتحال میں بہتری کے بعد ویک اینڈ کرفیو کے خاتمے کا فیصلہ ہوگا۔

ریاست کرناٹکا میں کورونا کے سبب عائد ویک اینڈ کرفیو ختم، جب کہ رات کی پابندیوں کا نفاذ برقرار رہے گا۔

کرناٹکا میں اسپتالوں میں کورونا مریضوں کے داخلے کی کم شرح کے سبب ویک اینڈ کرفیو ختم کیا گیا۔

ادھر ریاست مہاراشٹرا میں پہلی سے بارہویں جماعت کے لیے اسکول پیر سے کھلیں گے۔ اسکولوں کو کورونا ضوابط کی پابندیوں پر عملدرآمد کی ہدایات جاری کردی گئی ہیں۔